أبو العبد كان قاعد على القهوة ومثل عادته كل مرة

عم بيفنص ويشبح عالشباب بقصصه الغريبة والعجيبة:

مبارح طلع على بالي اسبح بالبحر قمت رحت على الروشة

ونطيت من على صخرة الروشة وقعدت اسبح واسبح لحد ما

لقيت حالي صرت بنص البحر، تعبت شوي وقلت لحالي خليني ارتاح شوي

وغمضت عيني شي خمس دقايق وانا فايش على ظهري ...

وبعد شوي صحيت ولقيت حالي قدام قلعة صيدا

أبو صطيف: يا لطيف شو هالحكي نمت على ظهرك لحد صيدا؟

أبو العبد: شو ما مصدقني يا أبو صطيف؟

أبو صطيف: أكيد مصدقك يا أبو العبد، وأنا مبارح جارتنا

ولدت توأم صبيين بس شو .... قال ولدتهم من ورا مش من قدام

أبو العبد: لفها بقى أبو صطيف ... معقول هالحكي

في وحدة بهالدنيا بتخلف من ورا؟

أبو صطيف: ايه بسيطة نحن سامحناك بأربعين كيلومتر

ما فيك تسامحنا انت باثنين سنتيمتر يا أبو العبد؟؟؟